Maliyyə Elm-Tədris Mərkəzində ümummilli lider Heydər Əliyevin anadan olmasının 96-cı ildönümü münasibətilə tədbir keçirilib

8 may 2019-cu il tarixində Azərbaycan Respublikası Maliyyə Nazirliyi yanında Maliyyə Elm-Tədris Mərkəzində ümummilli lider Heydər Əliyevin anadan olmasının 96-cı ildönümü münasibətilə tədbir keçirilib. Əvvəlcə ümummilli liderin əziz xatirəsi bir dəqiqəlik sükutla yad edilib. Daha sonra Mərkəzin əməkdaşları ulu öndərə həsr olunmuş çıxışlar ediblər.  Tədbirdə müasir Azərbaycan dövlətinin qurucusu, görkəmli dövlət xadimi Heydər Əliyevin həyat yolundan, vətən və xalq qarşısında tarixi xidmətlərindən danışılıb. Tədbir ümummilli liderin həyat və fəaliyyətindən bəhs edən filmin nümayişi ilə başa çatıb.