Maliyyə Elm-Tədris Mərkəzinin Elmi Şurasının növbəti iclası keçirilmişdir
19 fevral 2020-ci il tarixində Maliyyə Nazirliyi yanında Maliyyə Elm-Tədris Mərkəzinin Elmi Şurasının növbəti iclası keçirilmişdir. İclasın gündəliyinə əsasən, Mərkəzin 2019-cu il üzrə fəaliyyəti, Elmi Şuranın 2020-ci il üçün iş planının, tədris plan-qrafikinin, 2020-cil il ərzində təşkil olunacaq təlimlər üzrə tədris proqramlarının təsdiqi məsələləri müzakirə edilmiş, şöbələrin hesabatları dinlənilmişdir.
Bunlarla yanaşı, iclasda Mərkəzin işçilərinin 2020-ci ildə yerinə yetiriləcək təqdimatlarının mövzuları təsdiq edilmiş və digər cari məsələlərə də baxılmışdır.
Müzakirəyə çıxarılan məsələlər Elmi Şura üzvləri tərəfindən dəstəklənərək qəbul edilmiş və Mərkəzin gələcək inkişafı və fəaliyyətinin daha da təkmilləşdirilməsi ilə bağlı təkliflər səsləndirilmişdir.